Uno Doje e Tre letra

Arrivajeno dall'oriente,
Facce scure cu 'e turbante,
Senza cristo e senza sante
Mante d'oro e spade 'e argiento.
Po' venettero 'e spagnuole
S'annammurajeno 'e 'stu sole,
Miserere pater e gloria
E cagnajeno tutt''a storia.
'e purtajemo 'mparaviso
Quanno passajeno 'e francise,
Liberté egalité
Tout le monde il faut changer...
Dint''e terre e p''e campagne,
Viva 'o re viva la spagna,
Statte zitta carmagnola
Cchiù nisciuno se cunzola...
Uno doje e tre
Votta 'o tuocco e jesce a te
Ce sta sempe chi se fotte
E tutt''a vita resta sotto...

E scennette 'o piemontese
Stettemo bbuono 'nu mese
Ma 'stu sole fa paura
Pe' chi campa dint''o scuro.
So' sbarcate 'e americane
Ce hammo dato 'o core 'mmano
Cu shoe shine e ciucculata
Ce hanno bbuono arravugliato...
Quanta dollare 'ngiallute
Quanto ammore hammo vennuto
'nu criaturo è nato niro
E 'sta mamma 'o chiamma ciro...

Uno doje e tre
Votta 'o tuocco e jesce a te
Ce sta sempe chi se fotte
E tutt''a vita resta sotto...
.................
Uno doje tre, uno doje...
Pa' te pa' te... juòca!

NCCP - Letras

• Cammenanno
• Capera
• Feneste 'e mare
• Fronne
• Iammuncenne Guagliù
• La Sciorta Ca 'ngrata
• Li sarracini adorano lu sole
• Maddalena
• Medina
• Musica popolare
• Não Desista
• Senza Cielo
• Senza Parlà
• Solo Parole
• Sotto Il Velo Del Cielo
• Stella d'argiento
• Tarantella del Gargano
• Terra
• Tzigari
• Uno Doje e Tre
• Voccuccia
• Vottate L'acqua
• Vurria Ca Fosse Ciaola